the right undertone for your skin ! ... !الأندرتون الصحيح لبشرتك

السلام عليكم ورحمة الله وبركاته ~ 

اليوم رح أحكي عن شي كتيير كتيير مهم لأنه من خلاله بتعرفي تختاري الفاونديشن اللي بناسبك والميك اب اللي بيناسبك ..اللي هو الأندرتون(undertone) ... 

في 3 أنواع أندرتون ..الدافئ (Warm) ..البارد (cool) ..(محايد،زيتوني) (Neutral) 

 حتى تعرفي الاندرتون تبعك :

1- إذا بشرتك صارت بنية بعد التعرض للشمس ..فأنتي عندك أندرتون دافئ ..أما  إذا صارت بشرتك محمرة بعد التعرض للشمس فأنتي عندك أندرتون بارد  

2- إذا حسيتي المجوهرات الذهبية بتناسبك أكتر من المجوهرات الفضية  فعندك أندرتون دافئ ..أما إذا المجوهرات الفضية بتناسبك أكتر من المجوهرات الذهبية  فعندك أندرتون بارد ..أما إذا اللونين ناسبوكي فعندك أندرتون زيتوني أو محايد 

3- إذا لون عروق دمك مايلة للون الأخضر أو الزيتوني فعندك أندرتون دافئ ..أما إذا عروق دمك مايلة للأزرق-البنفسجي  فعندك أندرتون بارد .. أما إذا حسيتي أنه عندك اللونين الأخضر والأزرق فعندك أندرتون محايد أو زيتوني . 

4- إذا عندك اندرتون أصفر أو مشمشي  فعندك أندرتون دافئ ..أما إذا عندك اندرتون  أزرق أو وردي  فعندك أندرتون بارد .. 

إذا إجاباتك كانت بين الدافئ والبارد فعندك الأندرتون المحايد .... 

إذا عرفتي الأندرتون تبعك .. فلازم تعرفي شو بناسبك بالميك اب : 

1- Warm undertone -الأندرتون الدافئ : 

 ألوان الشدو اللي بتناسب الأشخاص ذو الاندرتون الدافئ :الذهبي، النحاسي ، البرونز ، الألوان الترابية ، البرتقالي ، الزيتوني ، الأصفر 

 ألوان البلاشر اللي بتناسب الأشخاص ذو الأندرتون الدافئ: المشمشي ، المرجاني(Coral) 

  الفاونديشن-كريم الأساس-  لازم يكون ذو اندرتون أصفر أو مشمشي 

2- (cool undertone) الأندرتون البارد : 

ألوان الشادو اللي بتناسب الأشخاص ذو الأندرتون البارد : الفضي ، الرمادي ، الأرجواني ، ألوان الأحجار الكريمة ( الزمرد ، الياقوت الأزرق ، العقيق ) 

ألوان البلاشر اللي بتناسب الأشخاص ذو الأندرتون البارد : الوردي الفاتح  (rosy) ، الوردي اللي شوي غامق (cool pink)

الفاونديشن-كريم الأساس- لازم يكون ذو اندرتون أزرق أو أحمر .

3- (neutral undertones) الاندرتون المحايد : 

الأشخاص ذو الاندرتون المحايد بيناسبهم كلللللل الألوان 

ملاحظة : أنتي أكييد مو من الضرورة تلتزمي بهادي الألوان أبدا أبدا .. بس هاي الألوان اللي بتناسبك أكتر ...وبتقدري تستخدمي اللون اللي بتحبيه . 

بتمنى يكون الموضوع مفيد ..و شكرا .. 

share it if you like it :)