Fix+ فيكس بلاس

السلام عليكم ورحمة الله وبركاته ~

اليوم رح أتكلم عن الفكس بلس (fix+) وهو عبارة عن شي سائل (بيشبه الماء) بيحتوي على فيتامينات ومعادن والخيار والبابونج والشاي الأخضر ..بيستخدم بأشياء كتيرة، ريحته

حلوة ..وشي لازم يكون عند كل بنت لأنو جدا مفيد ومتعدد الإستخدامات 

الإستخدامات :

1- ممكن تحطيه عالوجه بيعطي نضارة وبيرطب وبينعش البشرة  .. (رشيه عن بعد 30 سم تقريبا)

2- بتحطيه قبل الميك اب مشان يهيئ البشرة 

3- ممكن تخلطيه مع الفاونديشن-كريم الأساس – بيخلي الفاونديشن يندمج بطريقة حلوة وسهلة . 

4- بتحطيه بعد ماتخلصي ميك اب بيعطي شكل متجانس ومخملي للميك اب

5- لو استخدمتي باودر رشيه بعد الباودر لأن الباودر بيخلي شكل الوجه ناشف وجاف

 6- بتستخدميه مع البيجمينت شدو( pigment eye shadows) – الظلال الحرة – لأنه بيبرز اللون أكتر ..بترشي الفيكس بلس عالفرشاة بالأول بعدين بتحطي عليها البيجمنت ..وبتستخدميه كمان مع الشدوهات العادية بنفس الطريقة ..

7- لو استخدمتي البلاش الكريمي بأصابعك وحابة يكون شكله خفيف ومتجانس ومايبين كأن البلاش موجود بمكان واحد و غير مدموج .. حطي البلاش على الخد بعدين رشي على أصابعك فكس بلس ودمجيه ..بيطلع بلاشر ناعم وخفيف ... بتستخدمي بنفس الطريقة إذا حابة مع الهايلايتر-إضاءة الخدود- السائلة او الكريمية ... 

------------------------------------------------------------------

الفكس بلس بينباع بمحلات ماك،سعره 100 ريال 

بتمنى يكون الموضوع مفيدD=